ABOUT

كل شي بلّش من فكرة صغيرة...
من بين القعدة، والنقاشات، والحكي اللي بنحكيه كل يوم عن كيف الناس بتلبس بدون ما تعرف ليش، وكيف الموضة صارت نسخة عن نسخة.

وسألنا حالنا:
ليش ما يكون في براند تيشيرتات من هون، من الأردن، للناس اللي مش حابة تلبس زي الكل؟
للناس اللي عندها مبدأ، شخصية، قصة… وبدها تيشيرت يحكي عنها.

هيك خلقنا Chimpee Champ.

اسم يمكن غريب، بس فيه كل الجنون، الحرية، والعناد اللي فينا.
إحنا مش بس بنصمّم تيشيرتات… إحنا بنصمّم رسائل، مواقف، وصرخات ساكتة بتبين أوّل ما تلبسها.

كل تصميم عنا وراه فكرة:
فيه اللي بيرمز للحرية، فيه اللي بيحكي عن الصمود، فيه اللي بيتمرّد على القواعد، وفيه اللي ببساطة… بيحكيلك: كمل، ولا يهمّك.

وإحنا عارفين إنك مش جاي تلبس بس عشان تتصور،
إنت جاي تلبس عشان توصل شي، تحكي عن حالك، تمشي بثقة، وتخلي الناس تسأل: "من وين هاي التيشيرت؟" قبل ما يسألوا: "شو ماركتها؟".

Chimpee Champ هو للّي عنده شخصية مش مكررة،
للّي بعرف إنه كل يوم بالحياة هو ساحة تحدي،
وللّي مؤمن إنه "اللبسة" مش بس لبسة… هي اختيار.

مش دارجين؟ تمام.
مش عاجب الكل؟ أحسن.

إحنا مش بنسعى نرضي الكل. إحنا بنسعى نكون صادقين.

وإذا إنت واحد من الناس اللي عندهم حكاية بدهم يلبسوها…
فـ إحنا هون الك،